Brunch in Zürich am 24.6.

Du wettsch mal sälber en Schoggiosterhaas güsse, häsch aber dForm dezue nöd?
Du willsch dis noie Bett zämeschruube, häsch aber kän Akkuschruber?
Du häsch Stoff für noii Vorhäng, aber kä Nähmaschine?
Du settisch na go poste, aber häsch kä Zeit defür?

Dänn bruuchsch du shaare!!

shaare sell e Onlineplattform (App & Website) si, wos ermöglicht Gägenständ mit anderne zteile.

Du wettsch wüsse, wer hinder shaare staht? Dänn chum mit dine Fründe am 24. Juni 2018 vo 11-14 Uhr mit ois im Park vom Landesmuseum cho brunche!

De Brunch findet ganz im Sinn vo shaare statt. Jede bringt öppis mit. Z. B. Müesli, Zopf, Brot, Chäs oder Kafi und teilt das mit de andere. Vergässed nöd en Täller, Bsteck, en Bächer und öppis zum Drufsitze mitznä.

Mir froied ois uf oi!!

Daniel Ballmer